सर्वोच्चका न्यायाधीश रणबहादुर बमको गोली हानी हत्या

काठमाडौ, जेठ १८ । राजधानीकिो शंखमुल नजिकै युएनपार्क छेउमा सर्वोच्च अदालतका न्यायाधीश रणबहादुर बममाथि गोली प्रहार गरी हत्या गरिएको छ । राजधानीको शंखमुलमा बिहान सवा ११ बजे मोटरसाइकलमा आएका दुई अज्ञात व्यक्तिले बममाथि गोली प्रहार गरेको थियो ।घाटी, छाती र शरीरका विभिन्न भागमा गोली लागेका वमको शल्यक्रियाकै क्रममा निधन भएको हो । बममाथि ४ राउण्ड गोली प्रहार गरिएको थियो ।घट्नामा उहाँका साथ रहनुभएका राम गिरि पनि घाइते हुनुभएको छ । यसैविच तत्काल दोषीलाई पक्राउ गर्न प्रधानमन्त्रीले गृहमन्त्री र गृहसचिवलाई निर्देशन दिनुभएको छ । बा ८ च ५८५३ नम्बरको कारमा रहेका बममाथि विपरीत दिशाबाट आएका मोटरसाइमलमा रहेका युवाले गोली हानेका थिए । गोली लागेर न्यायाधीश बमका अंगरक्षक महेश सिंह समेत घाइते भएका थिए । घटनालगत्तै प्रहरीले बम र अंग रक्षकलाई उद्धार गरी प्रहरीले अस्पताल पु¥याएको थियो । नर्भिक अस्पतालमा उपचारका क्रममा न्यायाधीस बमको मृत्यु भएको हो ।
सर्वोच्च अदातलका न्यायाधीश रणवहादुर बम हत्याकाण्डको छानविन गर्न सरकारले एआईजि कुवेर सिंह राणाको संयोजकत्वमा समिति गठन गरेको छ । दिन दहाडै राजधानीमा नै सर्बोच्च अदालतका न्यायधीशको गोली हानी हत्या भएपछि केन्द्रीय सुरक्षा समितिको बैठकले छानविन समिति गठन गरेको हो । अज्ञात समुहले गोली प्रहार गरि न्यायधीश बमको हत्या गरेको थियो । आजै शंखमुलमा गोली प्रहारबाट गम्भिर घाईते हुनुभएका बमको नर्भिक अस्पताल थापाथलीमा उपचारका क्रममा मृत्यु भएको हो । चिकित्सकहरुका अनुसार बम माथि ६ राउण्ड गोलि प्रहार भएको थियो ।